ગયા અઠવાડિયે Marvel Cinematic Universe ના સુપર હીરોઝ પર લખ્યું હતું એટલે પછી વિચાર આવ્યો કે આ વખતે આપના પોતાના ભારતીય સુપરહીરોઝ પર લખું . આમ તો list બનાવા જાઉં તો ઘણું લાંબુ બને છે કેમકે comics માં ઘણા બધા સુપરહીરોઝ તથા હીરોઈન છે check કરવું હોય તો અહી ક્લિક કરો : Indian Super-Heroes .
પણ હું તો જેને આપણે સૌ જાણીએ છીએ તેવા cinema તથા ટેલીવિઝન ની દુનિયાના સુપરહીરોઝ વિષે લખવા માંગું છું . અને તેનું લીસ્ટ પ્રમાણ માં ટૂંકું છે . તો ચાલો જોઈએ આપના જાણીતા ભારતીય સુપરહીરોઝ .
શરૂઆત કરવા માટે સદીના મહાનાયકથી સારી choice કઈ હોઈ શકે . 1988 માં આવેલી આ ટીનું આનંદની ફિલ્મમાં આમ તો વિજય ( Amitabh Bachchan ) પાસે ખરા અર્થ માં કોઈ સુપર પાવર હતા નહિ , પણ જયારે તેના પિતા ઇન્સ્પેકટર શ્રીવાસ્તવને ( Kader Khan ) JK ( Amrish Puri ) ભ્રષ્ટાચાર ના ખોટા આરોપમાં ફસાવી દે છે ત્યારે ઇન્સ્પેકટર શ્રીવાસ્તવ આ આરોપ ખોટો સાબિત ન કરી શકતા છેવટે આપઘાત કરી લે છે જેની વિજય ના માનસ પર ઊંડી અસર પડે છે અને એ આ સમાજના દુષણો નો સામનો કરવા માટે મક્કમ બને છે . મોટો થઈને તે પણ તેના પિતા ની માફક ઇન્સ્પેકટર બને છે પણ આ તેનો alter ego છે ,જેમાં એ એક ભ્રષ્ટાચારી ઇન્સ્પેકટર છે જે રૂપિયા લઈને કેસ દબાવી દે અથવા કોઈ પગલા ના ભરે પણ રાત્રે પોતે જ ” શાનેશાહ ” બની એ જ કેસ નું નિરાકરણ લાવી દે . અને પછી આગળ શું થાય એ તો બધાને ખબર જ છે …!!
આ રીતે શહેનશાહ ને ભારતનો સુપરહીરો ગણી શકાય . વળી ફિલ્મ નું ટાઈટલ સોંગ ” અંધેરી રાતો મેં સુમસામ રાહો પે … ” એકદમ મસ્ત , background music પણ ચકાચક અને ડાઈલોગ્સ તો કોણ ભૂલી શકે ” રીશ્તેમે તો હમ તુમ્હારે બાપ લગતે હૈ નામ હૈ ‘શહેનશાહ’… ” આ ડાઈલોગ જેટલી વાર આવે એટલી વાર ફિલ્મ ના પૈસા વસૂલ …!!
1987 ની શેખર કપૂરની આ ફિલ્મ ભારતમાં sci – fi જોનર ની બેસ્ટ ફિલ્મોમાંની એક છે . આ ફિલ્મમાં પણ મુખ્ય પાત્ર અરુણ વર્મા ( Anil Kapoor ) પાસે કોઈ સુપર પાવર નથી પણ તેના હાથમાં એક એવી device આવી જાય છે કે જે દેખાવે તો સામાન્ય ઘડિયાળ જેવી પણ તેને પહેરીને જો એક્ટીવેટ કરવામાં આવે તો તે પહેરનાર માણસ અદ્રશ્ય થઇ જાય છે અને ફક્ત લાલ પ્રકાશમાં જ તેને જોઈ શકાય છે . પછી આગળ શું થયું એતો તમે જાણો જ છો …
પણ આ ફિલ્મથી વિલનની એક નવી પરિભાષા આવી તેમ કહી શકાય . અમરીશ પૂરીનું iconic મોગેમ્બો નું પાત્ર અને તેના સંવાદો તથા કેચ ફ્રેઝીસ અને બધાનો personal favourite ” મોગેમ્બો ખૂશ હુઆ “… ગમે ત્યાં આ ડાઈલોગ સંભાળીને આપના મન માં મોગેમ્બોનું પાત્ર જીવંત થઇ જાય .
આમ જોવા જઈએ તો ભારતીય પૃષ્ઠ ભૂમિમાં આ Super Man નું એક classic adoption જ છે , પણ જે છે એ જોરદાર છે ! 1997 થી 2005 સુધી એમ લગભગ 8 વર્ષ ચાલેલી આ સીરીઅલ એટલે 80s અને 90s ના બાળકો ની ફેવરીટ સીરીઅલ . મને હજી પણ યાદ છે 12 વાગવા એટલે બધા જે રમતા હોય એ પડતું મુકીને TV આગાળ ગોઠવાઈ જતા .
શક્તીમાન ( Mukesh Khanna ) આમ તો એક સામાન્ય માણસ જ હતો પણ એકદમ કઠોર યોગ સાધનાથી તેને આ શક્તિઓ પ્રપ્ત થઈ હતી . સામાન્ય લોકોની નજરમાં એ ” આજ કી આવાઝ ” નામના દૈનીક માં કામ કરતો ફોટોગ્રાફર ” ગંગાધર વિદ્યાધર માયાધાર ઓમકારનાથ શાસ્ત્રી ” . શક્તિમાનના કટ્ટર દુશ્મનો તેના માર્ગમાં હમેશા મુસીબતો ઉભી કરવા માટે તૈયાર જ હોય અને શક્તિમાન સમયસર પોહચી જઈને તેમની યોજનાઓનો ઘડો લાડવો કરી નાખે .
શક્તિમાનનો મુખ્ય દુશ્મન એટલે ” તમરાજ કીલવીશ ” , જો શક્તિમાન શક્તિપુંજ નો એકભાગ હતો તો તેનો બીજો ભાગ પાપપુંજ હતો કીલવીશ . વળી દુનિયામાં લોકો જે પણ પાપ કરે તેનાથી પણ તેને શક્તિ પ્રાપ્ત થતી હતી . શક્તીમાન ના બીજા દુશ્મનો જોઈએ તો ડૉ. જૈકાલ , સાહબ (કુમાર રંજન) , કપાલા , તિમિર , ટોય મેન વગેરે વગેરે …
દરેક એપિસોડના અંતે આવતું ” છોટી છોટી મગર મોટી બાતે ” જોવાની પણ મઝા આવતી . અને હવે શક્તિમાન ની 3 – D ફિલ્મ પણ આવવાની છે તેવું જાણવા મળ્યું છે જેની મુકેશ ખન્નાએ પુષ્ટિ કરેલી છે .
જયારે કોઈ મિલ ગયા ફિલ્મ આવેલી ત્યારે કોઈએ વિચાર્યું પણ નહતું કે આની સિકવલ આવશે અને એ પણ સુપરહીરો મૂવી હશે . પણ જયારે 2007 માં ક્ર્રીશ આવ્યું ત્યારે બધા જોતા જ રહી ગયા . સ્ટોરી આગળ વધે છે કોઈ મિલ ગયાના અંત થી જયારે રોહિત ને છોકરો જન્મે ત્યારે એ પણ તેની શક્તિ સાથે લઈને જ જન્મે છે પણ તેની જાણ તેની દાદી પાછળ થી થાય છે અને ખબર પડતા જ તે શહેર છોડીને કોઈક દુર્ગમ ગામ માં રેહવા જતા રહે છે જ્યાં કોઈ તેમને ઓળખતું નથી . ત્યાં જ ક્રિષ્ના મોટો થાય છે અને ઉમર સાથે તેની શક્તિઓ વિકસે છે . પછી થોડું ફાસ્ટ ફોરવર્ડ જે તમને ખબર જ છે . ક્રિષ્ના જયારે સિંગાપુરમાં એક સર્કસ માં જાય છે ત્યારે ત્યાં આગ લગતા લોકોના જીવ જોખમમાં આવી પડતા તેમને બચાવવા માટે પ્રયત્ન કરવો હોય છે પણ તેની દાદીને આપેલા વચન મુજબ તે પોતાની ઓળખ દુનિયા સમક્ષ છતી ન કરી શકે, અને તેથી તે એ બાજુમાં પડેલુ જોકરનું તૂટેલું માસ્ક ઉઠાવી પહેરી લે છે જેનાથી તેનું મો ઢંકાઈ જાય અને તે ઓળખાય નહિ .તે જ ક્ષણે જન્મ થાય છે સુપરહીરો ક્ર્રીશનો .
મૂવીની સ્ટોરી અને સોન્ગ્સ એકદમ મસ્ત , ક્યાય કંટાળો ના આવે , ટ્વિસ્ટ અને એક્શન પણ જોરદાર . જોકે Krrish 3 આ ઘટના ને પુનરાવર્તિત ન કરી શક્યું સ્ટોરી સારી હતી પણ રાકેશ રોશનનું ડીરેક્શન આટલું નબળું પણ હોઈ શકે એ હવે ખબર પડી અને જરૂર વગરના સોન્ગ્સ તથા બકવાસ special effects . છતાય ક્ર્રીશ એ ભારતીય સુપરહીરો ના લીસ્ટ માં ખૂબ જ ઉપર આવે એ તો સો ટચ ની સાચી વાત કેમ કે તેની બેક-સ્ટોરી એટલી મજબૂત છે કે કોઈ બકવાસ સિકવલ એ બગડી શકે નહિ .
થોડા વધારે પડતા ટેકનીકલ બેક-ગ્રાઉન્ડ વાળી આ સુપરહીરો ની સ્ટોરી મોટાભાગના લોકો માટે બાઉન્સર હતી , જેમાં એક ગેઈમ માંથી પહેલા વિલન Ra.One ( Arjun Rampal ) બહાર આવી જાય અને તેને રોકવા માટે G.One (Good One ) ( Shahrukh Khan ) પણ બહાર ( અસલી દુનિયા ) માં આવી જાય .
સ્ટોરીમાં એટલો દમ હતો નહિ પણ એ કમી special effects વડે પૂરી કરવા પ્રયત્ન કર્યો હતો જે થોડે ઘાને અંશે સફળ રહ્યો એમ કહી શકાય . (બિનજરૂરી)સોન્ગ્સ પણ મસ્ત હતા . ડાઈલોગ્સ પણ સારા હતા , પણ છેવટે કરોડરજ્જુ વગર નું શરીર નક્કામું એમ …. તમે સમજી ગયાને યાર …!!
જોકે એક વાત નો શ્રેય શાહરૂખને આપવો પડે કે તેને Ra.One ને 3-D માં રીલીઝ કરવા ભારતના બધા મલ્ટીપ્લેક્ષ ને 3-D screen ચાલુ કરાવડાવી , અને એટલે આજે આપણે 3-D માં રીલીઝ થતું કોઈપણ મૂવી ઘરની નજીકના મલ્ટીપ્લેક્ષ માં જઈને જોઈ શકીએ છીએ .
===> અને છેલ્લે ભારતીય સિનેમા તથા ટીવી ના કેટલાક સુપરહીરોઝ ના ઓનરેબલ મેન્શન્સ : Drona , Ajooba , Junior G , Shiva , Hero …
અમુક લોકોને લાગતું હશે કે આમાં રજનીકાંત નું Robot કેમ નથી ? પણ મારા મતે Robot એ સુપરહીરો નહિ પણ એક યાંત્રિક મશીન જ છે અને મૂવીમાં પણ છેલ્લે તો Robot પોતે જ વિલન બને છે અને ડૉ. વસીગરન (રજનીકાંત) એ જ પેંતરો લડાવીને તેને કાબૂમાં લાવવો પડે છે .
અને જતા જતા સુપરહીરોના લેખના અંતે સુપરહીરો મૂવી The Amazing Spider-man 2 નું trailer :
રમતિયાળ હું 